Ish-ndihmësi i Murinjos: E zbulova në Shqipëri, Agim Zeka më mahniti

0
503
Loading...

Agim Zeka është një prej gjashtë goditjeve që ka kryer Lila gjatë merkatos së janarit. Talenti i Skënderbeut nënshkroi me ekipin francez një kontratë që do ta mbajë atë të lidhur me këtë klub për katër vite e gjysmë. Fillimisht ai do të jetë pjesë e skuadrës së rezervave, në mënyrë që të përshtatet me kampionatin e klubin dhe, më vonë, do të ketë minutazhin e tij edhe në ekipin e parë.

Me paraqitjen e tij që në stërvitjen e parë, shqiptari i ka bindur të gjithë, pasi ka realizuar një eurogol. Mirëpo, talentit kuqezi i ka mjaftuar një ndeshje me moshat kuqezi për të bindur njeriun e duhur, zbuluesin e talenteve. Luis Kampos, aktualisht drejtori sportiv i Lilës, është personi që e ka pikasur fare rastësisht për ta marrë më vonë në skuadrën franceze.

 

 

Talenti

Në shpjegimin e dhënë për faqen zyrtare të klubit, Kampos e ka cilësuar si “lidhjen speciale”. “Zeka është lojtar skuadre. Është i aftë për të luajtur si mesfushor shkatërrues ose edhe si organizator. Ka aftësi të shkëlqyera fizike dhe, mbi të gjitha, bën një lexim jashtëzakonisht të mirë të lojës.

kampos murinjo

Nuk është një futbollist që mund të bëjë shumë driblime gjatë një aksioni, por është lloji i lojtarit që i duhet një ekipi për të siguruar ekuilibra dhe balancën e duhur. Në momentin që ndërton një ekip, është si të formosh një mozaik dhe ai përbën një nga copëzat më të rëndësishme të figurës”, është shprehur Kampos për shqiptarin.

Zbulimi

Ish-ndihmësi i Hoze Murinjos dhe ish-këshilltari special i multimiliarderit të Monakos ka treguar edhe momentin kur e ka parë për herë të parë shqiptarin në fushën e lojës.

“Sapo ka mbushur 18 vjeç. E kam zbuluar gjatë një ndeshjeje me të rinjtë e kombëtares shqiptare. Realisht kam mbetur i surprizuar nga ai. Jo vetëm nga teknika që shfaqi gjatë ndeshjes, por edhe për mënyrën si i zgjidhte situatat e caktuara dhe si i merrte vendimet. Në çdo moment, arrinte që të bënte diferencën nga të tjerët.

Që në momentin e parë që bëri provën te ne, u bindëm të gjithë që, me mbështetjen e duhur prej nesh dhe me kohën e nevojshme në dispozicion, ka çdo mundësi për t’u shndërruar në një futbollist të shkëlqyer. Ka një të ardhme të ndritur përpara”, ka deklaruar Kampos.

Komento:
Loading...

PËRGJIGJU

Please enter your comment!
Please enter your name here

19 − 7 =