Agjentët rusë hakojnë ushtarët e NATO-s

0
86

hakera-780x439.jpg

Agjentët rusë janë duke përdorur dronët e sofistikuar për të hakuar telefonat e ushtarëve të NATO-s në Baltik, në mënyrë që të vjedhin të dhënat e tyre personale dhe të spiunojnë lëvizjen e trupave.

Zyrtarët ushtarakë perëndimorë besojnë se Rusia është duke hakuar në mobilët personalë të ushtarëve të Aleancës Veri-Atlantike, të cilët janë të vendosur në rajonin e Baltikut.

Ata thonë se rusët janë duke përdorur antena të sofistikuara dhe dronë për të hakuar telefonat dhe të gërmojnë  informacionet në pajisje, shkruan Daily Mail.

Disa nga incidentet e hakimit sugjerojnë se rusët janë duke u përpjekur që të gjurmojnë lëvizjen e trupave të NATO-s.

Christopher L’Heureux kishte marrë komandën e bazës së NATO-s në Poloni, në korrik. Pak kohë pas kësaj, ai kishte thënë se telefoni i tij ishte hakuar.

Kur kishte shikuar në telefon, ai kishte parë se dikush kishte lansuar funksionin Find My iPhone.

“Kishte një hartë të vogël të Apple dhe në qendër të hartës ishte Moska”, ka thënë L’Heureux. “Thuhej: Dikush është duke u përpjekur të ketë qasje në iPhone tuaj.”

Ai tha se më vonë kishte mësuar se një haker me IP të Rusisë kishte tentuar të thyejë shtresën e dytë të mbrojtjes së fjalëkalimit dhe ai kishte përcjellë lëvizjet e tij përmes GPS.

L’Heureux tha se është në dijeni se të paktën gjashtë ushtarëve të tjerë, telefonat dhe llogaritë e tyre ishin të hakuara në Facebook.

Ushtarët amerikanë thonë se hakerët përdorin informacionet që t’i frikësojnë ata.

Komento: